Comprometémonos coa túa tranquilidade e realizamos por ti tarefas como a redacción de documentos, a realización de trámites ou adaptación da túa empresa á normativa vixente, todo coa maior confidencialidade e discreción.

Ofrecémosche axuda para cumprir coas obrigas contables e fiscais. Tamén te asistiremos na toma de decisións ou resolución de dúbidas que afecten ao teu negocio. Realizamos un seguimento de axudas convocadas a nivel nacional ou europeo e informámoste, tendo en conta os teus intereses.

Revisamos, cumplimentamos e tramitamos por ti liquidacións tributarias, e informámoste sobre leis ou disposicións, exencións ou bonificacións. Tamén nos podemos ocupar de representar á túa empresa ante os organismos correspondentes.

Tramitamos as altas, baixas e modificacións de datos na Seguridade Social e asesoramos sobre contratos de traballo, prórrogas, etc. Representamos á túa empresa ante os organismos correspondentes ou en actos de conciliación, e prestamos axuda para interpoñer recursos aos requerimentos da Tesourería da Seguridade Social.

Deixa nas nosas mans a constitución de Sociedades ou outras formas xurídicas, a convocatoria e asistencia a xuntas, o mantemento de libros de actas e socios, as modificacións nos órganos de administración, aumento ou reducción do capital social, cambios de domicilio ou de obxecto social, etc.

Controlar a presenza online da túa marca é cada día máis importante. Asesorámoste sobre contidos, deseño web e comunicación online tendo en conta as túas necesidades e as particularidades de Internet. Se ti ou o persoal da túa empresa o precisa, preparamos obradoiros prácticos de Redes Sociais para a Empresa e Reputación Online.